«сенат ялпи мажлиси» тегли мақолалар
Сенатнинг 51-ялпи мажлиси 30 март куни бўлиб ўтади
Сенатнинг эллик биринчи ялпи мажлиси 30 март куни ўтказилади. Унда «Телекоммуникациялар тўғрисида»ги, суд фаолияти юзасидан ва бошқа қонунларга ўзгартиришлар киритиш муҳокама қилинади. Шунингдек, инсон ҳуқуқлари бўйича вакил (омбудсман)нинг 2023 йилдаги фаолияти бўйича ҳисоботи эшитилади.
Сенат 2024 йил учун давлат бюджети тўғрисидаги қонунни кўриб чиқади
Сенатнинг 48-ялпи мажлиси 18 декабрда ўтказилади. Унда 2024 йил учун давлат бюджети тўғрисидаги ва бошқа қонунлар муҳокама қилинади. Шунингдек, Экология вазирлиги томонидан иқлим ўзгаришининг олдини олишда қилинаётган ишлар юзасидан вазирлик ахбороти эшитилади.
Сенатнинг қирқ тўртинчи ялпи мажлиси 24 август куни чақирилади
Сенатнинг 24 августдаги ялпи мажлисида валютани тартибга солиш, ижара ва лизинг муносабатларини такомиллаштириш, ўсимликларни ҳимоя қилиш ва ер қаъри тўғрисидаги қонунлар кўриб чиқилади. Сурхондарё ва Хоразм вилоятларини ижтимоий-иқтисодий ривожлантириш дастурлари натижалари ҳам муҳокама қилинади.
Сенат қатор қонунларга ўзгартиш ва қўшимчалар киритиш масаласини кўриб чиқади
Сенатнинг 4 августдаги ялпи мажлисида «Адвокатура тўғрисида», «Волонтёрлик фаолияти тўғрисида», «Ҳайвонот дунёсини муҳофаза қилиш ва ундан фойдаланиш тўғрисида»ги ҳамда крипто-активлар айланмаси соҳасида лицензиялаш ва рухсат бериш тизимини яхшилашга оид қонунларга ўзгартириш киритиш кўриб чиқилади.
Сенатда «Манфаатлар тўқнашуви тўғрисида»ги қонун ва бошқа ҳужжатлар кўриб чиқилади
Олий Мажлис Сенати 1 июнь куни чақирадиган ялпи мажлисида «Манфаатлар тўқнашуви тўғрисида»ги қонунни кўриб чиқади. Парламент қуйи палатаси бу қонунни октябрь ойида қабул қилган. Йиғилишда яна бир қатор қонунлар ҳам кўриб чиқилади.
Украинадаги ҳарбий ҳаракатлар давомида 6030 нафар ўзбекистонлик эвакуация қилинди — ТИВ
Ташқи ишлар вазири ўринбосари Баҳром Аълоевнинг маълум қилишича, Украинада ҳарбий ҳаракатлар бошланганидан буён 6030 нафар ўзбекистонлик махсус рейслар орқали эвакуация қилинди. Йил давомида хориждаги фуқаролар учун 200 мингдан ортиқ консуллик операцияси амалга оширилди.
Ўзбекистонда энергия ресурсларидан ноқонуний фойдаланиш учун жавобгарлик кучайтирилмоқда
Сенат энергия ресурсларидан ноқонуний фойдаланиш учун жавобгарликни кучайтирувчи қонунни маъқуллади. Қонун билан улардан тижорат мақсадларида қонунга зид равишда фойдаланиш ўғрилик деб баҳоланмоқда. Бунинг учун маъмурий жавобгарликни кўриб чиқиш ваколати Ўзэнергоинспекциядан судларга берилади.
Сенатнинг ўттиз еттинчи ялпи мажлиси 2 март куни чақирилади
Олий Мажлис Сенатининг ўттиз еттинчи ялпи мажлиси 2 март куни чақирилади. Унда рақобат, давлат божи ва тиббиёт ҳамда педагог ходимларининг хизмат вазифаларини бажаришига тўсқинлик қилганлик учун жавобгарликни кучайтириш тўғрисидаги қонунлар кўриб чиқилади.
Ўзбекистон Олий суди раисига ўринбосар сайланди
Сенатнинг 19 ноябрдаги мажлисида Олий Мажлис Қонунчилик палатаси Коррупцияга қарши курашиш ва суд-ҳуқуқ масалалари қўмитаси раиси ўринбосари Шухрат Полванов Олий суд раиси ўринбосари этиб сайланди. Шу мажлисда Гулнора Мирзаева, Абдикамал Абдикаримов ва Аскар Бекманов Олий суд судьялигига сайланди.
1 январдан I ва II гуруҳ ногиронлиги бўлган шахсларнинг пенсияларига ўртача 300 минг сўм қўшилиши мумкин
Сенаторлар пенсия таъминоти тўғрисидаги қонунга ўзгартиш ва қўшимчалар киритди. 1 январдан I ва II гуруҳ ногиронларининг пенсия тайинланганидан кейинги камида 1 йиллик иш стажи ва иш ҳаки миқдоридан келиб чиқиб ҳар 2 йилда бир маротаба тайинланган пенсия қайта ҳисобланади ва қўшимча пул тўланади.
Электрон фирибгарлик ёки ўғрилик учун 8 йилгача озодликдан маҳрум қилиш жазоси белгиланмоқда
Сенатда электрон фирибгарлик ва ўғрилик учун 5 йилдан 8 йилгача озодликдан маҳрум қилиш жазосини белгилашга оид қонун маъқулланди. Улар қайд этишича, бу каби жиноятлар ортиб бормоқда. Масалан, фирибгарлик билан банк карталаридан пулни талон-торож қилиш бўйича 7 ойда 1812 та жиноят иши қўзғатилган.
«Қандай қилиб битта фирма 20 тадан объектни ютиб олиши мумкин?» Сенат раиси Шаффоф қурилиш тизимини танқид қилди
Сенат раиси Танзила Нарбаева Шаффоф қурилиш платформасидаги камчиликларни танқид қилди. «Қандай қилиб битта фирма 15 тадан, 20 тадан объектни ютиб олиши мумкин?», — дея савол берди у. Қурилиш вазири ўринбосари эса пудратчиларга объект олиш бўйича лимит ўрнатмоқчилигини маълум қилди.
Сенат ташқи меҳнат миграциясига оид қонунни рад этди
Сенаторлар ялпи мажлисда ташқи меҳнат миграциясига оид қонунни рад этди. Унда мигрантлар ўзини ўзи банд қилган шахслар қаторида бўлиши ва уларни солиққа тортиш қайд этилганди. Қонуннинг бирор моддасида эса фуқароларни касб ёки чет тилларига ўқитиш киритилмаган, дея қайд этди Сенат.
Козимжон Комилов Олий суд раислигига қайта тайинланди
Сенаторлар 2017 йилдан бери Олий суд раиси сифатида ишлаб келаётган Козимжон Комиловни президент тақдимномасига мувофиқ, лавозимга қайта сайлаш тўғрисидаги қарорни қабул қилди.
Сенат мажлисининг жонли эфири 8 дақиқадан кам давом этди
UzReport TV орқали Сенат мажлиси трансляцияси бошланганидан қарийб 8 дақиқа ўтиб тўхтатилди. Парламент юқори палатасининг YouTube-саҳифасида жонли эфир 2019 йил октябридан бери биринчи марта намойиш этилмади. Президент фармонига кўра, 1 декабрдан бошлаб йиғилишлар МТРК каналлари ва интернет тармоғида эфирга узатилиши керак эди.
Сенатнинг 24-ялпи йиғилиши 17 март куни ўз ишини бошлайди
Сенатнинг 24-ялпи йиғилишида Меҳнат кодексини тасдиқлаш, киберхавфсизлик ва реклама тўғрисидаги қонунлар кўриб чиқилади. Шунингдек, сенаторлар омбудсман, ТИВ, ИИВ ва Коррупцияга қарши курашиш агентлиги раҳбарларининг ҳисоботларини тинглайдилар.
Сенаторлар географик кўрсаткичлар тўғрисидаги қонунни маъқуллади
Сенатнинг навбатдаги ялпи мажлисида «Географик кўрсаткичлар тўғрисида» ги қонун кўриб чиқилди. Унга кўра, энди тадбиркорлар ўз товарларида ишлаб чиқарилган жой номини кўрсатиши керак. Қайд этилишича, ҳозиргача Ўзбекистонда фақат 4 та товар, хусусан, 2 та маҳаллий маҳсулотнинг географик кўрсаткичи рўйхатдан ўтказилган. Сенаторлар ишонтиришича, мазкур қонун минтақавий брендлар ривожланиши ва ҳудудларнинг туристик жозибадорлиги ошишига хизмат қилади.
«Сенаторлар қўмита мажлиси ёки қайсидир тадбирда иштирок этиш билан чекланиб қолмоқда» — Сенат раиси
Сенат раиси Танзила Нарбаева ялпи мажлис вақтида сенаторлар фаолиятидаги тадбирбозликни танқид қилди. «Сенаторлар фақатгина қўмита мажлиси ёки қайсидир тадбирда иштирок этиш билан чекланиб қолмоқда» — деди у. Қолаверса, қўмиталар етарлича ишламаётгани, улар фақат раҳбарларнинг ахборотини тинглаш билан шуғулланаётгани таъкидланди.
3−4 февраль кунлари Сенат ялпи мажлиси бўлиб ўтади
Сенатнинг йигирма учинчи ялпи мажлисида «Географик кўрсаткичлар тўғрисида»ги қонун, иккита халқаро ҳужжатни ратификация қилиш масаласи ва қатор қонунларга ўзгартириш киритиш муҳокама қилинади. Шунингдек, 2021 йилги давлат дастури ижроси бўйича ҳукумат ҳисоботи эшитилади.
Сенатор Тошкентдаги Ғафур Ғулом боғи бўйича шартномалар тузилмаганини маълум қилди
Сенатор Толибжон Мадумаров Тошкентдаги Ғафур Ғулом боғи юзасидан шартномалар тузилмаганини маълум қилди. Сенатор Бахтиёр Сайфуллаев эса мазкур масала юзасидан ўрганиш олиб борилишини билдирди. «Бундан кейин шаҳар ҳокимлигининг объектларни инвесторларга берилиши бўйича ўйлаб иш қилишини назоратимизга оламиз», — деди у.
Энг кўп ўқилган хабарлар | Сўнгги янгиликлар
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- Ўзбекистон футболчилари U-23 Осиё кубоги ярим финалига чиқди (+ видео)
- Яккасарой тумани ҳокимияти ҳуқуқшуноси мактаб бассейнида чўмилган вақти вафот этди
Қўшимча имкониятларга эга булиш учун сайтда рўйхатдан ўтинг